Und wenn du dich getröstet hast, wirst du froh sein, mich gekannt zu haben.
Jetzt stasch da, vor mim Grab, mit huufe Träne i de Auge. Innerlich zerrisst es dich fascht, wil du mich nüme gseh häsch, nüme häsch chöne mit mir schwätze, mich nüm häsch chöne umarme, mit mir giggelä...
Kei Nachricht chunt meh vo mir, kein Aruef. Ich lächle dich nüme a. Ich cha dich au nüme ufmuntere mit mine charmante, sakrastische Sprüch. Keis #sorrygäll meh...
Viellicht berreusch no, falls öppis falsches gseit häsch oder wil du dich doch nüme so regelmässig gmeldet häsch. Viellicht schmerzt es dich, wil immer de Gedanke gah häsch: "Ah ich cha mi au no nächst Wuche melde!". Viellicht wirsch au stinkig, wil du dich nur no gmeldet häsch, wenn öppis brucht häsch. Viellicht tuets dir unheimlich weh, wil du s'letscht mal eusi Verabredig abgseit häsch.
Du fangsch a, dir selber Vorwürf z'mache, wil du ja immer gseit häsch, mer seged Früünde und ich segi dir wichtig, aber es dich doch nie würklich intressiert hät, wie es mir zu Lebzyte gange isch. Viellicht chunt dir au jetzt wieder in Sinn, wenn du mich s'letscht mal gfrögt häsch, wie es eigentlich mir gaht?!
Jetzt häsch mich für immer müesse gah la. Plötzlich bin ich weg gsi. Vom einte Tag uf de anderi. Nie hätsch demit g'rächnet. Nenei, du bisch immer no devo usgange, ich bliib ewigs a dinere Siite... Zack, boom, aus die Maus. Ich ruhe in Frieden oder so...
Du stasch vor mim Grab, brüellsch bitteri Träne und de Abschied fallt dir unglaublich schwer...
#sorrygäll, ICH BIN ABER NO DA! Chasch mir immer no e Nachricht schriebe, immer no alüüte, mer chönd eus no immer gseh, dumm schnurre mitenand, philosophiere... all das chömer mache, wo du vermisse würdsch, wenn du jetzt tatsächlich vor mim Grab stah würdsch...
“Freunde füllen dein Leben mit Freude, deine Seele mit Sonnenschein und dein Herz mit Liebe"
Bis bald
SteFunny von Llamour